Maha Samaya Suthraya | මහා සමය සුත්‍රය
ඒවං මේ සුතං , ඒකං සමයං භගවා සක්කේසු විහරති කපිලවත්ථුස්මිං මහාවනේ මහතා භික්ඛුසංඝේන සද්ධිං පඤ්චමත්තේහි භික්ඛු සතේහි සබ්බේහේව අරහන්තේහි දසහි ච ලෝකධාතූහි ඒවං මේ සුතං , ඒකං සමයං භගවා සක්කේසු විහරති කපිලවත්ථුස්මිං මහාවනේ මහතා භික්ඛුසංඝේන සද්ධිං පඤ්චමත්තේහි භික්ඛු සතේහි සබ්බේහේව අරහන්තේහි දසහි ච ලෝකධාතූහි දේවතා යේභුය්යේන සන්නිපතිතා හොන්ති භගවන්තං දස්සනාය භික්ඛුසංඝඤ්ච අථ ඛෝ චතුන්නං සුද්ධාවාසකායිකානං දේවානං ඒතදහෝසි. අයං ඛෝ භගවා සක්කේසු විහරති කපිලවත්ථුස්මිං මහාවනේ මහතා භික්ඛුසංඝේන සද්ධිං පඤ්චමත්තේහි භික්ඛුසතේහි සබ්බේහේව අරහන්තේහි , දසහි ච ලෝකධාතූහි දේවතා යේභුය්යේන සන්නිපතිතා හොන්ති භගවන්තං දස්සනාය භික්ඛු සංඝඤ්ච , යන්නුන මයම්පි යේන භගවා තේනුපසංකමෙ‍ය්‍යාම , උපසංකමිත්වා භගවතෝ සන්තිකේ පච්චේකගාථං භාසෙ‍ය්‍යමාති.
අථ ඛෝ තා දේවතා සෙ‍ය්‍යාථාපි නාම බලවා පුරිසෝ සමිඤ්ජිතං වා බාහං පසාරෙ‍ය්‍ය පසාරිතංවා බාහං සමිඤ්ජෙ‍ය්‍ය , ඒවමේවං සුද්ධාවාසේසු දේවේසු අන්තරහිතා භගවතෝ පුරතෝ පාතුරහංසු.
අථ ඛෝ තා දේවතා භගවන්තං අභිවාදෙත්වා ඒකමන්තං අට්ඨංසු , ඒකමන්තං ඨිතා ඛෝ ඒකා දේවතා භගවතෝ සන්තිකේ ඉමං ගාථං අභාසි.
මහාසමයෝ පවනස්මිං – දේවකායා සමාගතා
ආගතම්හ ඉමං ධම්මසමයං – දක්ඛිතායේ අපරාජිතසංඝන්ති.
අථ ඛෝ අපරා දේවතා භගවතෝ සන්තිකේ ඉමං ගාථං අභාසි.
තත්‍ර භික්ඛවෝ සමාදහංසු – චිත්තමත්තනෝ උජුකමකංසු
සාරථීව නෙත්තානි ගහෙත්වා – ඉන්ද්‍රියානි රක්ඛන්ති’ති පණ්ඩිතාති.
අථ ඛෝ අපරා දේවතා භගවතෝ සන්තිකේ ඉමං ගාථං අභාසි.
ජෙත්වා ඛීලං ජෙත්වා පලිඝං – ඉන්දඛීලං ඌහච්චමනේජා
තේ චරන්ති සුද්ධා විමලා – චක්ඛුමතා සුදන්තා සුසුනාගා ‘ ති.
අථ ඛෝ අපරා දේවතා භගවතෝ සන්තිකේ ඉමං ගාථං අභාසි. යේ කෙචි බුද්ධං සරණං ගතාසේ – නතෙ ගමිස්සන්ති අපායං පහාය මානුසං දේහං – දේවකායං පරිපුරෙස්සන්තී ‘ ති.
අථ ඛෝ භගවා භික්ඛු ආමන්තේසි. යේභුය්යේන භික්ඛවේ දසසු ලෝකධාතුසු දේවතාසන්නිපතිතා තථාගතං දස්සනාය භික්ඛුසංඝඤ්ච.
යේපි තේ භික්ඛවේ අහේසුං අතීතමද්ධානං අරහන්තෝ සම්මාසම්බුද්ධා තේසම්පි භගවන්තානං ඒතපරමා යේව දේවතා සන්නිපතිතා අහේසුං සෙය්‍යථාපි මය්හං ඒතරහි.
යේපි තේ භික්ඛවේ භවිස්සන්ති අනාගතමද්ධානං අරහන්තෝ සම්මා සම්බුද්ධා තේසම්පි භගවන්තානං ඒතපරමා යේව දේවතා සන්නිපතිතා භවිස්සන්ති සෙය්‍යථාපි මය්හං ඒතරහි. ආචික්ඛිස්සාමි භික්ඛවේ දේවකායානං නාමානි. කිත්තයිස්සාමි භික්ඛවේ දේවකායානං නාමානි. දේසිස්සාමි භික්ඛවේ දේවකායානං නාමානි. තං සුණාථ සාධුකං මනසිකරෝථ භාසිස්සාමීති . ඒවම්භන්තේ’ති ඛෝ තේ භික්ඛු භගවතෝ පච්චස්සෝසුං. භගවා ඒතදවෝච.
සිලෝකමනුකස්සාමි – යත්ථ භුම්මා තදස්සිතා
යේ සිතා ගිරිගබ්භාරං – පහිතත්තා සමාහිතා
පුථුසීහාව සල්ලීණා – ලෝමහංසාභිසම්භූනෝ
ඕද්‍රතමනසා සුද්ධා – විප්පසන්නමනාවිලා.
භීය්‍යො පඤ්චසතේ ඤත්වා – වනේ කාපිලවත්ථවේ
තතෝ ආමන්තයී සත්ථා – සාවකේ සාසනේ රතේ.
දේවකායා අභික්කන්තා – තේ විජානාථ භික්ඛවෝ
තේ ච ආතප්පමකරුං – සුත්වා බුද්ධස්ස සාසනං.
තේසං පාතුරහු ඤණං – අමනුස්සානදස්සනං
අප්පේකේ සතමද්දක්ඛුං – සහස්සං අථ සත්තතිං.
සතං ඒකේ සහස්සානං – අමනුස්සානමද්දසුං
අප්පේකේ නන්තමද්දක්ඛුං – දිසා සබ්බා ඵුටා අහු.
තඤ්ච සබ්බං අභිඤ්ඤාය – වවක්ඛිත්වාන චක්ඛුමා
තතෝ ආමන්තයී සත්ථා – සාවකේ සාසනේ රතේ.
දේවකායා අභික්කන්තා – තේ විජානාථ භික්ඛවෝ
යේ වෝ හං කිත්තයිස්සාමි – ගිරාහි අනුපුබ්බසෝ.
සත්තසහස්සා යක්ඛා – භුම්මා කාපිලවත්ථවා
ඉද්ධිමන්තෝ ජුතීමන්තෝ – වණ්ණවන්තෝ යසස්සිනෝ
මෝදමානා අභික්කාමුං – භික්ඛුනං සමිතිං වනං.
ජසහස්සා හේමවතා – යක්ඛා නානත්තවණ්ණිනෝ
ඉද්ධිමන්තෝ ජුතීමන්තෝ – වණ්ණවන්තෝ යසස්සිනෝ
මෝදමානා අභික්කාමුං – භික්ඛුනං සමිතිං වනං.
සාතාගිරා තිසහස්සා – යක්ඛා නානත්තවණ්ණිනෝ
ඉද්ධිමන්තෝ ජුතීමන්තෝ – වණ්ණවන්තෝ යසස්සිනෝ
මෝදමානා අභික්කාමුං – භික්ඛුනං සමිතිං වනං.
ඉච්චේතේ සෝළසසහස්සා – යක්ඛා නානත්තවණ්ණිනෝ
ඉද්ධිමන්තෝ ජුතීමන්තෝ – වණ්ණවන්තෝ යසස්සිනෝ
මෝදමානා අභික්කාමුං – භික්ඛුනං සමිතිං වනං.
වෙස්සාමිත්තා පඤ්චසතා – යක්ඛා නානත්තවණ්ණිනෝ
ඉද්ධිමන්තෝ ජුතීමන්තෝ – වණ්ණවන්තෝ යසස්සිනෝ
මෝදමානා අභික්කාමුං – භික්ඛුනං සමිතිං වනං.
කුම්භීරෝ රාජගහිකෝ – වේපුල්ලස්ස නිවේසනං
භීය්‍යේ නං සතසහස්සං – යක්ඛානං පයිරුපාසති
කුම්භීරෝ රාජගහිකො – සෝපාග සමිතිං වනං.
පුරිමඤ්ච දිසං රාජා – ධතරට්ඨෝ තං පසාසති
ගන්ධබ්බානං ආධිපති – මහාරාජා යසස්සි සෝ.
පුත්තාපි තස්ස බහවෝ – ඉන්දනාමා මහබ්බලා
ඉද්ධිමන්තෝ ජුතීමන්තෝ – වණ්ණවන්තෝ යසස්සිනෝ
මෝදමානා අභික්කාමුං – භික්ඛුනං සමිතිං වනං.
දක්ඛිණඤ්ච දිසං රාජා – විරූළ්හෝ තං පසාසති
කුම්භණ්ඩානං ආධිපති – මහාරාජා යසස්සි සෝ.
පුත්තාපි තස්ස බහවෝ – ඉන්දනාමා මහබ්බලා
ඉද්ධිමන්තෝ ජුතීමන්තෝ – වණ්ණවන්තෝ යසස්සිනෝ
මෝදමානා අභික්කාමුං – භික්ඛුනං සමිතිං වනං.
පච්ජිමඤ්ච දිසං රාජා – විරූපක්ඛෝ තං පසාසති
නාගානං ආධිපති – මහාරාජා යසස්සි සෝ.
පුත්තාපි තස්ස බහවෝ – ඉන්දනාමා මහබ්බලා
ඉද්ධිමන්තෝ ජුතීමන්තෝ – වණ්ණවන්තෝ යසස්සිනෝ
මෝදමානා අභික්කාමුං – භික්ඛුනං සමිතිං වනං.
උත්තරඤ්ච දිසං රාජා – කුවේරෝ තං පසාසති
යක්ඛානං ආධිපති – මහාරාජා යසස්සි සෝ.
පුත්තාපි තස්ස බහවෝ – ඉන්දනාමා මහබ්බලා
ඉද්ධිමන්තෝ ජුතීමන්තෝ – වණ්ණවන්තෝ යසස්සිනෝ
මෝදමානා අභික්කාමුං – භික්ඛුනං සමිතිං වනං.
පුරත්ථිමේන ධතරට්ඨෝ – දක්ඛිණෙන විරූළ්හකෝ
පච්ජිමේන විරූපක්ඛෝ – කුවේරෝ උත්තරං දිසං
චත්තාරෝ තේ මහාරාජා – සමන්තා චතුරෝ දිසා
දද්දල්ලමානා අට්ඨංසු – වනේ කාපිලවත්ථවේ.
තේසං මායාවිනෝ ද්‍රසා – ආගු වඤ්චනිකා සඨා
මායා කූටෙණ්ඩු වේටෙණ්ඩු – විටුච්ච විටුචෝ සහ
චන්දනෝ කාමසෙට්ඨෝ ච – කින්නුඝණ්ඩු නිඝණ්ඩු ච.
පනාදෝ ඕපමඤ්ඤෝ ච – දේවසුතෝ ච මාතලී
චිත්තසේනෝ ච ගන්ධබ්බෝ – නළෝ රාජා ජනේසභෝ
ආගු පඤ්චසිඛෝ චේව – තිම්බරූ සුරියවච්චසා.
ඒතේ චඤ්ඤේ ච රාජානෝ – ගන්ධබ්බා සහ රාජුභි
මෝදමානා අභික්කාමුං – භික්ඛුනං සමිතිං වනං.
ආථාගු නාභසා නාගා – වේසාලා සහ තච්ජකා
කම්බලස්සතරා ආගු – පායාගා සහ ඤාතිභි
යාමුනා ධතරට්ඨා ච – ආගු නාගා යසස්සිනෝ
ඒ රාවණෝ මහානාගෝ – සෝපාග සමිතිං වනං.
යේ නාගරාජේ සහසා හරන්ති
දිබ්බා දිජා පක්ඛි විසුද්ධචක්ඛු
වේහාසයා තේ වනමජ්ඣපත්තා
චිත්‍ර සුපණ්ණා ඉති තේසං නාමානි.
අභයං තද්‍ර නාගරාජානමාසි
සුපණ්ණතෝ ඛෙමමකාසි බුද්ධෝ
සණ්හාහි වාචාහි උපව්හයන්තා
නාගා සුපණ්ණා සරණමගංසු බුද්ධං.
ජිතා වජිරහත්ථෙන – සමුද්දං අසුරා සිතා
භාතරෝ වාසවස්සේතේ – ඉද්ධිමන්තෝ යසස්සිනෝ
කාලකඤ්ජා මහාභිංසා – අසුරා දානවේඝසා
වේපචිත්ති සුචිත්තී ච – පහාරාදෝ නමුචී සහ
සතඤ්ච බලිපුත්තානං – සබ්බේ වේරෝචනාමකා
සන්නය්හිත්වා බලිං සේනං – රාහුභද්දමුපාගමුං
සමයෝද්‍රනි භද්දන්තේ – භික්ඛුනං සමිතිං වනං
ආපෝ ච දේවා පඨවී ච – තේජෝ වායෝ තද්‍රගමුං
වරුණා වාරුණා දේවා – සෝමෝ ච යසසා සහ
මෙත්තාකරුණාකායිකා – ආගු දේවා යසස්සිනෝ
දසේතේ දසධා කායා – සබ්බේ නානත්තවණ්ණිනෝ
මෝදමානා අභික්කාමුං – භික්ඛුනං සමිතිං වනං.
වේණ්හු ච දේවා සහලී ච – අසමා ච දුවේ යමා
චන්දස්සුපනිසා දේවා – චන්දමාගු පුරක්ඛත්වා
සුරියස්සුපනිසා දේවා – සුරියමාගු පුරක්ඛත්වා
නක්ඛත්තානි පුරක්ඛත්වා – ආගු මන්දවලාහකා
වසුනං වාසවෝ සෙට්ඨෝ – සක්කෝපාග පුරින්දදෝ
දසේතේ දසධා කායා – සබ්බේ නානත්තවණ්ණිනෝ
ඉද්ධිමන්තෝ ජුතීමන්තෝ – වණ්ණවන්තෝ යසස්සිනෝ
මෝදමානා අභික්කාමුං – භික්ඛුනං සමිතිං වනං.
අථාගු සහභු දේවා – ජලමග්ගිසිඛාරිව
අරිට්ඨකා ච රෝජා ච – උම්මාපුප්ඵනිභාසිනෝ
වරුණා සහධම්මා ච – අච්චුතා ච අනේජකා
සුලෙ‍ය්‍යරුචිරා ආගු – ආගු වාසවනේසිනෝ
දසේතේ දසධා කායා – සබ්බේ නානත්තවණ්ණිනෝ
ඉද්ධිමන්තෝ ජුතීමන්තෝ – වණ්ණවන්තෝ යසස්සිනෝ
මෝදමානා අභික්කාමුං – භික්ඛුනං සමිතිං වනං.
සමානා මහාසමානා – මානුසා මානුසුත්තමා
ඛිඩ්ඩාපදුසිකා ආගු – ආගු මනෝපදුසිකා
අථාගු හරයෝ දේවා – යේ ච ලෝහිතවාසිනෝ
පාරගා මහපාරගා – ආගු දේවා යසස්සිනෝ
දසේතේ දසධා කායා – සබ්බේ නානත්තවණ්ණිනෝ
ඉද්ධිමන්තෝ ජුතීමන්තෝ – වණ්ණවන්තෝ යසස්සිනෝ
මෝදමානා අභික්කාමුං – භික්ඛුනං සමිතිං වනං.
සුක්කා කරුම්හා අරුණා – ආගු වේඝනසා සහ
ඕද්‍රත ගය්හා පාමෝක්ඛා – ආගු දේවා විචක්ඛණා
සද්‍රමත්තා හාරගජා – මිස්සකා ච යසස්සිනෝ
ථනයං ආග පජ්ජුන්නෝ – යෝ දිසා අභිවස්සති
දසේතේ දසධා කායා – සබ්බේ නානත්තවණ්ණිනෝ
ඉද්ධිමන්තෝ ජුතීමන්තෝ – වණ්ණවන්තෝ යසස්සිනෝ
මෝදමානා අභික්කාමුං – භික්ඛුනං සමිතිං වනං.
ඛේමියා තුසිතා යාමා – කට්ඨකාච යසස්සිනෝ
ලම්බීතකා ලාමසේට්ඨා – ජෝතිනාමා ච ආසවා
නිම්මාණරතිනෝ ආගු – ආථාගු පරනිම්මිතා
දසේතේ දසධා කායා – සබ්බේ නානත්තවණ්ණිනෝ
ඉද්ධිමන්තෝ ජුතීමන්තෝ – වණ්ණවන්තෝ යසස්සිනෝ
මෝදමානා අභික්කාමුං – භික්ඛුනං සමිතිං වනං.
සට්ඨේතේ දේවනිකායා – සබ්බේ නානත්තවණ්ණිනෝ
නාමන්වයේන ආගඤ්ජුං – යේ චඤ්ඤේ සදිසා සහ
පවුත්ථජාතිං අඛිලං – ඕඝතිණ්ණමනාසවං
දක්ඛේ මෝඝතරං නාගං – චන්දංව අසිතාතිගං
සුබ්‍රහ්මා පරමත්තෝ ච – පුත්තා ඉද්ධිමතෝ සහ
සනංකුමාරෝ තිස්සෝ ච – සෝපාග සමිතිං වනං.
සහස්සං බ්‍රහ්මලෝකානං – මහාබ්‍රහ්මාභිතිට්ඨති
උපපන්නෝ ජුතීමන්තෝ – භිස්මාකායෝ යසස්සිසෝ
දසෙත්ථ ඉස්සරා ආගු – පච්චේකවසවත්තිනෝ
තේසඤ්ච මජ්ඣතෝ ආග – හාරිතෝ පරිවාරිතෝ.
තේ ච සබ්බේ අභික්කන්තේ – ස ඉන්දේ දේවේ සබ්‍රහ්මකේ
මාරසේනා අභික්කාමි – පස්ස කණ්හස්ස මන්දියං.
ඒථ ගණ්හථ බන්ධථ – රාගේන බද්ධමත්ථු වේ
සමන්තා පරිවාරේථ – මා වෝ මුඤ්චිත්ථ කෝචි නං.
ඉති තත්ථ මහාසේනෝ – කණ්හසේනං අපේසයී
පාණිනා ථලමාහච්ච – සරං කත්වාන භේරවං.
යථා පාවුස්සකෝ මේඝෝ – ථනයන්තෝ සවිජ්ජුකෝ
තද්‍ර සෝ පච්චුද්‍රවත්ති – සංකුද්ධෝ අසයංවසී.
තඤ්ච සබ්බං අභිඤ්ඤාය – වවක්ඛිත්වාන චක්ඛුමා
තතෝ ආමන්තයී සත්ථා – සාවකේ සාසනේ රතේ.
මාරසේනා අභික්කන්තා – තේ විජානාථ භික්ඛවෝ
තේ ච ආතප්පමකරුං – සුත්වා බුද්ධස්ස සාසනං
වීතරාගේහ’පක්කාමුං – නේසං ලෝමම්පි ඉඤ්ජයුං
සබ්බේ විජිතසංගාමා – භයාතීතා යසස්සිනෝ
මෝදන්ති සහ භූතේහි – සාවකා තේ ජනේසුතාති.