Jaya Mangala Gatha | ජයමංගල ගාථා
බාහුං සහස්ස මභිනිම් මිතසායුධං තං
ගිරිමේඛලං උදිතඝෝරස සේනමාරං
දානාදිධම්ම විධිනා ජිතවා මුනින්දෝ
තං තේජසා භවතු තේ ජයමංගලානි
මාරාතිරේක මභියුජ්ඣිත සබ්බරත්තිං
ඝෝරම්පනාලවක මක්ඛමථද්ධ යක්ඛං
ඛන්තිසුදන්ත විධිනා ජිතවා මුනින්දෝ
තං තේජසා භවතු තේ ජයමංගලානි
නාලාගිරිං ගජවරං අතිමත්තභූතං
දාවග්ගිචක්කමසනීව සුදාරුණං තං
මෙත්තම්බුසේක විධිනා ජිතවා මුනින්දෝ
තං තේජසා භවතු තේ ජයමංගලානි
උක්ඛිත්ත ඛග්ග මතිහත්ථ සුදාරුණං තං
ධාවං තියෝජන පථංගුලිමාලවං තං
ඉද්ධීභිසංඛතමනෝ ජිතවා මුනින්දෝ
තං තේජසා භවතු තේ ජයමංගලානි
කත්වාන කට්ඨමුදරං ඉව ගබ්භීනීයා
චිඤ්චාය දුට්ඨවචනං ජනකායමජ්ඣෙ
සන්තේන සෝම විධිනා ජිතවා මුනින්දෝ
තං තේජසා භවතු තේ ජයමංගලානි
සච්චං විභාය මතිසච්චක වාදකේතුං
වාදාභිරෝපිතමනං අතිඅන්ධභූතං
පඤ්ඤාපදීප ජලිතෝ ජිතවා මුනින්දෝ
තං තේජසා භවතු තේ ජයමංගලානි
නන්දෝප නන්දභුජගං විබුධං මහිද්ධිං
පුත්තේන ථෙරභුජගේන දමාපයන්තෝ
ඉද්ධුපදේස විධිනා ජිතවා මුනින්දෝ
තං තේජසා භවතු තේ ජයමංගලානි
දුග්ගාහ දිට්ඨි භුජගේන සුද්ට්ඨහත්ථං
බ්රහ්මං විසුද්ධි ජුතිමිද්ධි බකාභිධානං
ඤාණාගදේන විධිනා ජිතවා මුනින්දෝ
තං තේජසා භවතු තේ ජයමංගලානි
ඒතාපි බුද්ධ ජයමංගල අට්ඨගාථා
යෝ වාචකෝ දිනදිනේ සරතේ මතන්දි
හිත්වාන නේකවිවිධානි චුපද්දවානි
මොක්ඛං සුඛං අධිගමෙය්ය නරෝ සපඤ්ඤෝ
භවතු සබ්බ මංගලං රක්ඛන්තු සබ්බ දේවතා
සබ්බ බුද්ධානුභාවේන සදා සොත්ථි භවන්තු තේ
භවතු සබ්බ මංගලං රක්ඛන්තු සබ්බ දේවතා
සබ්බ ධම්මානුභාවේන සදා සොත්ථි භවන්තු තේ
භවතු සබ්බ මංගලං රක්ඛන්තු සබ්බ දේවතා
සබ්බ සංඝානුභාවේන සදා සොත්ථි භවන්තු තේ
යන්දුන්නි මිත්තං අවමංගලඤ්ච
යෝ චාමනාපෝ සකුණස්ස සද්දෝ
පාපග්ගහෝ දුස්සුපිනං අකන්තං
බුද්ධානුභාවේන විනාසමෙන්තු
යන්දුන්නි මිත්තං අවමංගලඤ්ච
යෝ චාමනාපෝ සකුණස්ස සද්දෝ
පාපග්ගහෝ දුස්සුපිනං අකන්තං
ධම්මානුභාවේන විනාසමෙන්තු
යන්දුන්නි මිත්තං අවමංගලඤ්ච
යෝ චාමනාපෝ සකුණස්ස සද්දෝ
පාපග්ගහෝ දුස්සුපිනං අකන්තං
සංඝානුභාවේන විනාසමෙන්තු
සබ්බේ බුද්ධා බලප්පත්තා පච්චේකානඤ්ච යං බලං
අරහන්තානඤ්ච තේජේන රක්ඛං බන්ධාමි සබ්බසෝ
