Isigili Sutra

Isigili Suthraya | ඉසිගිලි සූත්‍රය

එවං මෙ සුතං, එකං සමයං භගවා රාජගහෙ විහරති ඉසිගිලිස්මිං පබ්බතෙ. තත්‍ර ඛො භගවා භික්ඛූ ආමන්තෙසි භික්ඛවොති. භදන්තෙ ති තෙ භික්ඛූ භගවතෝ පච්චස්සො සුං. භගවා එතදවොච පස්සථ නො තුම්හෙ භික්ඛවෙ එතං වෙභාරං පබ්බතන්ති. එවං භන්තෙ. එතස්සපි ඛො භික්ඛවෙ වෙභාරස්ස පබ්බතස්ස අඤ්ඤාව සමඤ්ඤා අහොසි අඤ්ඤා පඤ්ඤත්ති.

පස්සථ නො තුම්හෙ භික්ඛවෙ එතං පණ්ඩවං පබ්බතන්ති, එවං භන්තෙ. එතස්සපි ඛො භික්ඛවෙ පණ්ඩවස්ස පබ්බතස්ස අඤ්ඤාව සමඤ්ඤා අහොසි අඤ්ඤා පඤ්ඤත්ති.

පස්සථ නො තුම්හෙ භික්ඛවෙ එතං වෙපුල්ලං පබ්බතන්ති, එවං භන්තෙ. එතස්සපි ඛො භික්ඛවෙ වෙපුල්ලස්ස පබ්බතස්ස අඤ්ඤාව සමඤ්ඤා අහොසි අඤ්ඤා පඤ්ඤත්ති.

පස්සථ නො තුම්හෙ භික්ඛවෙ එතං ගිජ්ඣකූටං පබ්බතන්ති, එවං භන්තෙ. එතස්සපි ඛො භික්ඛවෙ ගිජ්ඣකූටස්ස පබ්බතස්ස අඤ්ඤාව සමඤ්ඤා අහොසි අඤ්ඤා පඤ්ඤත්ති.

පස්සථ නො තුම්හෙ භික්ඛවෙ ඉමං ඉසිගිලිං පබ්බතන්ති, එවං භන්තෙ. ඉමස්ස හි ඛො භික්ඛවෙ ඉසිගිලිස්ස පබ්බතස්ස එසාව සමඤ්ඤා අහොසි එසා පඤ්ඤත්ති භූතපුබ්බං භික්ඛවෙ පඤ්චපච්චෙකබුඞසතානි ඉමස්මිං අසිගිලිස්මිං පබ්බතෙ චිරනිවාසිනො අහෙසුං, තෙ ඉමං පබ්බතං පවිසන්තා දිස්සන්ති පවිට්ඨා න දිස්සන්ති.

තමෙනු මනුස්සා දිස්වා එවමාහංසු, අයං පබ්බතො ඉමෙ ඉසී ගිලි තීති, ඉසිගිලි ඉසිගිලිත්වෙව සමඤ්ඤා උදපාදි. ආචික්ඛිස්සාමි භික්ඛවේ පව්චෙකබුඬානං නාමානි, කිත්තයිස්සාමි භික්ඛවෙ පච්චෙකබුඬානං නාමානි, දෙසිස්සාමි භික්ඛවෙ පච්චෙකබුඬානං නාමානි, තං සුණාථ සාධුකං මනසිකරොථ භාසිස්සාමීති. එවං භන්තෙති ඛො තෙ භික්ඛූ භගවතො පච්චස්සොසුං. භගවා එතදවොච,

අර්ට්ඨො නාමභික්ඛවෙ පච්චෙක සම්බුඬො ඉමස්මිං ඉසිගිලිස්මිං පබ්බත් චිරනිවාසී අහොසි. උපරිට්ඨො නාම භික්ඛවෙ පච්චෙක සම්බුඬො ඉමස්මිං ඉසිගිලිස්මිං පබ්බතෙ චිරනිවාසී අහොසි. තගර සිඛී නාම භිඛවෙ පච්චෙක සම්බුඬො ඉමස්මිං ඉසිගිලිස්මිං පබ්බතෙ චිරනිවාසී අහොසි. යස්සසී නාම භික්ඛවෙ පච්චෙක සම්බුඬො ඉමස්මිං ඉසිගිලිස්මිං පබ්බතෙ චිරනිවාසී අහොසි.

සුදස්සනො නාම භික්ඛවෙ පච්චෙක සම්බුඬො ඉමස්මිං ඉසිගිලිස්මිං පබ්බතෙ චිර නිවාසී අහොසි. පියදස්සී නාම භික්ඛවෙ පච්චෙක සම්බුඬො ඉමස්මිං ඉසිගිලිස්මිං පබ්බතෙ චිරනිවාසී අහොසි. ගන්ධාරො නාම භික්ඛවෙ පච්චෙක සම්බුඬො ඉමස්මිං ඉසිගිලිස්මිං පබ්බතෙ චිරනිවාසී අහොසි.

පිණ්ඩොලො නාම භික්ඛවෙ පච්චෙක සම්බුඬො ඉමස්මිං ඉසිගිලිස්මිං පබ්බතෙ චිරනිවාසී අහොසි. උපාසභො නාම භික්ඛවෙ පච්චෙක සම්බුඬො ඉමස්මිං ඉසිගිලිස්මිං පබ්බතෙ චිරනිවාසී අහොසි. නීථො නාම භික්ඛවෙ පච්චෙක සම්බුඬො ඉමස්මිං ඉසිගිලිස්මිං පබ්බතෙ චිරනිවාසී අහොසි.

තථො නාම භික්ඛවෙ පච්චෙක සම්බුඬො ඉමස්මිං ඉසිගිලිස්මිං පබ්බතෙ චිරනිවාසී අහොසි. සුතවා නාම භික්ඛවෙ පච්චෙක සම්බුඬො ඉමස්මිං ඉසිගිලිස්මිං පබ්බතෙ චිරනිවාසී අහොසි. භාවිතත්තො නාම භික්ඛවෙ පච්චෙක සම්බුඬො ඉමස්මිං ඉසිගිලිස්මිං පබ්බතෙ චිරනිවාසී අහොසීති.

යෙ සත්තසාරා අනීඝා නිරාසා
පච්චෙක මෙවජ්ඣගමුං සුබොධිං
තෙසං විසල්ලානං නරුත්තමානං
නාමානිමෙ කිත්තයතොසුණාථ

අරිට්ඨො උපරිට්ඨො තගරසිඛී යසස්සී
සුදස්සනො පියදස්සී ච බුඬො
ගන්ධාරො පිණ්ඩොලොඋපාසභො ච
නීථො තථො සුතවා භාවිතත්තො

සුම්හො සුභො මෙථුලො අට්ඨමො ච
අථස්සුමෙඝො අනීඝො සුදාඨො
පච්චෙකබුඬා භවන්තෙතිඛීණා
හිංගූ ච ගිංගො ච මහානුභාවා

ද්වෙජාලිනො මුනිනො අට්ඨකො ච
අථ කොසලො බුඬො අථො සුබාහු
උපනෙමිසො නෙමිසො සන්තචිත්තො
සච්චො තථො විරජො පණ්ඩිතො ච

කාලූපකාලා විජිතො ජිතො ච
අඞගො ච පඞගො ච ගුතිජ්ජිතො ච
පස්සී ජහී උපධිං දුක්ඛමූලං
අපරාජිතො මාරබලං අජෙසි

සත්ථා පවත්තා සරභඞගො ලොමහංසො
උච්චඞගමායො අසිතො අනාසවො
මනොමයො මානච්ඡිදො ච බන්ධුමා
තදාධිමුත්තො විමලො ච කෙතුමා

කෙතුම්බරාගො ච මාතඞගො අරියො
අථච්චුතො අච්චුතගාමබ්‍යාමකො
සුමඞගලො දබබිලො සුප්පතිට්ඨිතො
අසයෙහා ඛෙමාභිරතො ච සොරතො

දුරන්නයො සඞඝො අථොපි උච්චයො
අපරො මුනී සයෙහා අනොමනික්කමො
ආඳ නන්දො උපනන්දො ද්වාදස
භාරවාජො අන්තිමදෙහධාරී

බොධී මහානාමො අථොපි උත්තරො
කෙසී සිඛී සුන්දරො භාරද්වාජො
තිස්සූපතිස්සා භවබන්ධනච්ඡිදා
උපසීදරී තණ්හචඡිදො ච සීදරී

බුඬො අහූ මඞගලො වීතරාගො
උසභවඡිදා ජාලිනී දුක්ඛමූලං
සන්තං පදං අජ්ඣගමූපනීතො
උපොසථො සුන්දරො සච්චනාමො

ජෙතො ජයන්තො පදුමොඋප්පලො ච
පදුමුත්තරො රක්ඛිතො පබ්බතො ච
මානත්ථඬො සොභිතො වීතරාගො
කණ්හො ච බුඬො සුවිමුත්තචිත්තො

එතෙ ච අඤ්ඤෙ ච මහානුභාවා
පච්චෙක බුඞ භවන්තෙතිඛීණා
තෙ සබ්බසඞගාතිගතෙ මහෙසී
පරිනිබ්බුතෙ වන්දථ අප්පමෙය්‍යෙති