එවං මෙ සුතං එකං සමයං භගවා රජගහෙ විහරති ගිජ්ඣකූටෙ පබ්බතෙ. අථ් ඛො චත්තාරො මහා රාජා මහතියා ච යක්ඛසෙනාය මහතියා ච ගන්ධබ්බසෙනාය මහතියා ච කුම්භණ්ඩසෙනාය මහතියා ච නාගසෙනාය චතුදදිසං රක්ඛං ඨපෙත්වා චතුදදිසං ගුම්බං ඨපෙත්වා චතුදදිසං ඔවරණං ඨපෙත්වා අභික්කන්තවණ්ණා කෙවලකප්පං ගිජඣකූටං ඔභාසෙත්වා යෙන භගවා තෙනුපසඬ්කමිංසු උපසඬ්කමිත්වා භවන්තං අභිවාදෙත්වා එකමන්තං නිසීදිංසු.
තෙපි ඛො යක්ඛා අපෙපකචෙච භගවන්තං අභිවාදෙත්වා එකමන්තං නිසීදිංසු, අපෙපකචෙච භගවතා සඬිං සම්මෝදිංසු සම්මෝද නීයං කථං සාරාණියං වීතිසාරෙත්වා එකමන්තං නිසීදිංසු, අපෙපකචෙචයෙන භගවා තෙනඤ්ජලිං පණාමෙත්වා එකමන්තං නිසීදිංසු අපෙපකචෙච නාමගොත්තං සාවෙත්වා එකමන්තං නිසීදිංසු, අපෙපකචෙච තුණහීභූතා එකමන්තං නිසීදිංසු.
එකමන්තං නිසින්නෝ ඛො වෙස්සවණො මහාරාජා භගවන්තං එතදවොච සන්ති හි භන්තේ උළාරා යක්ඛා භගවතො අප්පසන්නා, ස්න්ති හි භන්තේ උළාරා යක්ඛා භගවතො පසන්නා, සන්ති හි භන්තේ මජ්ඣිමා යක්ඛා භගවතො අප්පසන්නා, සන්ති හි භන්තේ මජ්ඣිමා යක්ඛා භගවතො පසන්නා, සන්ති හි භන්තේ නීචා යක්ඛා භගවතො අප්පසන්නා, සන්ති හි භන්තේ නීචා යක්ඛා භගවතො පසන්නා, යෙභුය්‍යෙන ඛො පන භන්තේ යක්ඛා අප්පසන්නා යෙව භගවතො, තං කිස්සහෙතු?
භගවා හි භන්තේ පාණාතිපාතා වෙරමණියා ධම්මං දෙසෙති, අදින්නාදාන වෙරමණියා ධම්මං දෙසෙති, කාමෙසු මිච්ඡාචාරා වෙරමණියා ධම්මං දෙසෙති, මුසාවාදා වෙරමණියා ධම්මං දෙසෙති, සුරාමෙරය මජ්ජපමාදට්ඨානා වෙරමණියා ධම්මං දෙසෙති, යෙභුය්‍යෙන ඛො පන භන්තේ යක්ඛා අප්පටි විරතා යෙව පාණාතිපාත අප්පටි විරතා අදින්නදානා අප්පටිවිරතා කාමෙසු මිච්ඡාචාරා අප්පටිවිරතා මුසාවදා අප්ප්ටිවිරතා සුරාමෙරය මජ්ජපමාදට්ඨානා.
තෙසං තං හොති අප්පියං අමනාපං. සන්ති හි භන්තේ භගවතො සාවකා අරඤ්ඤේ වනපත්ථානි පන්තානි සෙනාසනානි පටිසෙවන්ති අප්පසදාදානි අප්පපනිග්ඝොසානි විජනවාතානි මනුස්සරාහ සෙය්‍යකානි පටිසල්ලානසාරුප්පනි, තත්ථ සන්ති උළාරා යක්ඛා නිවාසිනො යෙ ඉමස්මිං භගවතො පවචනෙ අප්පසන්නා තෙසං පසාදාය.
උග්ගණ්හාතු භන්තේ භගවා ආටානාටියං රක්ඛං භික්ඛුනං භික්ඛුණිනං උපාසකානං උපාසිකානං ගුත්තියා රක්ඛාය අවිහිංසාය ඵාසුවිහාරායාති. අධිවසෙසි භගවා තුණ්හීභාවෙන. අථ ඛො වෙස්සවණො මහාරාජා භගවතො අධිවාසනං විදිත්වා තායං වෙලායං ඉමං ආටානාටියං රක්ඛං අභාසි.
විපස්සිස්ස නමත්ථු
චක්ඛුමන්තස්ස සිරීමතො
සිඛිස්සපි නමත්ථු
සබ්බභූතානුකම්පිනො
වෙස්සභුස්ස නමත්ථු
නහාතකස්ස තපස්සිනො
නමත්ථු කකුසන්ධස්ස
මාරසෙනාපමද්දිනො
කොණාගමනස්ස නමත්ථු
බ්‍රාහ්මණස්ස වුසීමතො
කස්සපස්ස නමත්ථු
විප්පමුත්තස්ස සබ්බධි
අඬ්ගීරසස්ස නමත්ථු
සක්‍යපුත්තස්ස සිරීමතො
යො ඉමං ධම්මමදෙසෙසි
සබ්බදුක්ඛාපනූදනං
යෙ චාපි නිබ්බුනා ලොකෙ
යථාභූතං විපස්සිසුං
තෙ ජනා අපිසුණා
මහන්තා වීතසාරදා
හිතං දෙවමනුස්සානං
යං නමස්සන්ති ගොතමං
විජ්ජාචරණසම්පන්නං
මහන්තං වීතසාරදං
යතො උග්ගච්ඡතී සුරියො
ආදිච්වො මණ්ඩලී මහා
යස්ස චුග්ගච්ඡමානස්ස
සංවරීපි නිරුජ්ඣති
යස්ස චුග්ගතෙ සුරියෙ
දිවසොති පවුච්චති
රහදෙපි තත්ථ ගම්භීරො
සමුද්දො සරිතොදකො
එවං නං තත්ථ ජානන්ති
සමුද්දො සරිතොදකො
ඉතො සා පුරිමා දිසා
ඉති නං ආචික්ඛතී ජනො
යං දිසං අභිපාලෙති
මහාරාජා යස්සසිසො
සන්ධබ්බානං ආධිපති
ධතරට්ඨෝ ඉති නාමසො
රමතී නච්චගීතෙහි
ගන්ධබ්බෙහි ප්‍රක්ඛතො
පුත්තාපි තස්ස බහවො
එකනාමාති මෙ සුතං
අසීතිං දස එකො ච
ඉන්දනාමා මහබ්බලා
තෙ චාපි බුඬං දිස්වාන
බුඬං ආදිච්චබන්ධුනං
දුරතොව නමස්සන්ති
මහන්තං වීතසාරදං නමො තෙ පුරිසාජ්ඤ්ඤ
නමො තෙ පුරිසුත්තමං
කුසලෙනසමෙක්ඛසි, අමනුස්සාපි තං වන්දන්ති සුතං නෙතං අභිණ්හ සො, තස්මා එවං වදෙමසේ, ජිනං වන්දථ ගොතමං ජිනං වන්දාම ගොතමං, විජ්ජාචරණසම්පන්නං බුඬං වන්දාම ගොතමං.
යෙන පෙතා පවුච්චන්ති
පිසුණා පිට්ඨිමංසිකා
පාණාතිපාතිනො ලුද්දා
චොරා නෙකතිකා ජනා
ඉතො සා දක්ඛිණා දිසා
ඉති නං ආචික්ඛතී ජනො
යං දිසං අභිපාලෙති
මහාරාජා යස්සිසො
කුම්භණ්ඩානං ආධිපති
විරූළෙහා ඉති නාමසො
රමතී නච්චගීතෙහි
කුම්භණ්ඩෙහි පුරක්ඛතො
පුත්තාපි තස්ස බහවො
එකනාමාති මෙ සුතං
අසීතිං දස එකො ච
ඉන්දනාම මහබ්බලා
තෙ චාපි බුඬං දිස්වාන
බුඬං ආදිච්චබන්ධුනං
දූරතොව නම්ස්සන්ති
මහන්තං වීතසාරදං
නමො තෙ පුරිසාජඤ්ඤ
නමො තෙ පුරිසුත්තම
කුසලෙනසමෙක්ඛසි, අමනුස්සාපි තං වන්දන්ති සුතං නෙතං අභිණ්හ සො, තස්මා එවං වදෙමසේ, ජිනං වන්දථ ගොතමං ජිනං වන්දාම ගොතමං, විජ්ජාචරණසම්පන්නං බුඬං වන්දාම ගොතමං.
යත්ථ චොග්ගච්ඡති සුරියො
ආදිච්චො මණ්ඩලී මහා
යස්ස චොග්ගච්ඡමානස්ස
දිවසොපි නිරුජ්ඣති
යස්ස චොග්ගතෙ සුරියෙ
සංවරීති පවුච්චති
රහදොපි තත්ථ ගම්භීරො
සමුද්දො සරිතොදකො
එවං නං තත්ථ ජානන්ති
සමුද්දො සරිතොදකො
ඉතො සා පච්ඡිමා දිසා
ඉති නං ආචික්ඛතී ජනො
යං දිසං අභිපාලෙති
මහාරාජා යසස්සිසො
නාගානං ආධිපති
විරූපක්ඛො ඉති නාමසො
රතී නච්චගීතෙහි
නාගෙහි පුරක්ඛතො
පුත්තාපි තස්ස බහවො
එකනාමාති මෙ සුතං
අසීතිං දස එකො ච
ඉන්දනාමා මහබ්බලා
තෙ චාපි බුඬං දිස්වාන
බුඬං ආදිච්චබන්ධුනං
දූරතොව නමස්සන්ති
මහන්තං වීතසාරදං
නමො තෙ පුරිසාජඤ්ඤ
නමො තෙ පුරිසුත්තම
කුසලෙනසමෙක්ඛසි, අමනුස්සාපි තං වන්දන්ති සුතං නෙතං අභිණ්හ සො, තස්මා එවං වදෙමසේ, ජිනං වන්දථ ගොතමං ජිනං වන්දාම ගොතමං, විජ්ජාචරණසම්පන්නං බුඬං වන්දාම ගොතමන්ති.
යෙන උත්තරකුරූ රම්මා
මහානෙරු සුදස්සනො
මනුස්සා තත්ථ ජායන්ති
අම්මා අපරිග්ගහා
න තෙ බීජං පවපන්ති
නපි නීයන්ති නඬ්ගලා
අකට්ඨපාකිමං සාලිං
පරිභුඤ්ජන්ති මානුසා
අකණං අතුසං සුඬං
සුගන්ධං තණ්ඩුලප්ඵලං
තුණ්ඩිකීරෙ පචිත්වාන
තතො භුඤ්ජන්ති භොජනං
ගාවිං එකඛුරං කත්වා
අනුයන්ති දිසොදිසං
පසුං එකඛුරං කත්වා
අනුයන්ති දිසොදිසං
ඉත්ථිවාහනං කත්වා
අනුයන්ති දිසොදිසං
පුර්සවාහනං කත්වා
අනුයන්ති දිසොදිසං
කුමාරීවාහනං කත්වා
අනුයන්ති දිසොදිසං
කුමාරවාහනං කත්වා
අනුයන්ති දිසොදිසං
තෙ යානෙ අභිරූහිත්වා සබ්බදිසා අනුපරියන්ති පචාරා තස්ස රාජිනො.
හත්ථියානං අස්සයානං
දිබ්බං යානං උපට්ඨිතං
පාසාදා සිවිකා චෙව
මහාරාජස්ස යසස්සිනො
තස්ස ච නගරා අහූ
අන්තලික්ඛො සුමාපිතා
ආටානාටා කුසිනාටා පරකුසිනාටා නාටපුරිය පරකුසිතනාටා, උත්තරෙන කපීවන්තො ජනොඝමපරෙන ච, නවනවතියො අම්බර අම්බරවතියෙ ආලකමන්දා නාම රාජධානි, කුවෙරස්ස ඛො පන මාරිස මහාරාජස්ස විසාණා නාම රාජධානි තස්මා කුවෙරො මහාරාජා වෙස්සවණොති පවුච්චති, පච්චො සන්තො පකාසෙන්ති තතොලා තතලා තොතලා, ඔජසි තෙජසි තතොජසි සූරො රාජා අරිට්ඨොනෙමි, රහදෝපි තත්ථ ධරණී නාම, යතො මෙඝා පවස්සන්ති වස්සා යතො පතායන්ති, සභාපි තත්ථා භගලවතී නාම යත්ථා යක්ඛා පයිරුපාසන්ති.
තත්ථා නිච්චඵලා රුක්ඛා
නානාදිජගණායුතා
මයුරකොඤ්චාභිරුදා
කොකිලාභි හි වග්ගුභි
ජීවංජීවක සද්දෙත්ථා
අථො ඔට්ඨවචිත්තකා
කුකුත්ථකා කුළීරකා
වනෙ පොක්ඛරසාතකා
සුකසාලික සද්දෙත්ථ
දණ්ඩමානවකානි ච
සොභති සබ්බකාලං සා
කුවෙරනලිනී සදා
ඉතො සා උත්තරා දිසා
ඉති නං ආචික්ඛති ජනො
යං දිසං අභිපාලෙති
මහාරාජා යසස්සිසො
යක්ඛානං ආධිපති
කුවෙරො ඉති නාමසො
රමතී නච්චගීතෙහි
යක්ඛෙහි පුරක්ඛතො
පුත්තාපි තස්ස බහවො
එකමානාති මෙ සුතං
අසීතිං දස එකො ච
ඉන්දනාමා මහබ්බලා
තෙ චාපි බුඬං දිස්වාන
බුඬං ආදිච්චබන්ධුනං
දුරතොව නමස්සන්ති
මහන්තං වීතසාරදං
නමො තෙ පුරිසජඤ්ඤ
නමො තෙ පුරිසුත්තම
කුසලෙනසමෙක්ඛසි, අමනුස්සාපි තං වන්දන්ති සුතං නෙතං අභිණ්හ සො, තස්මා එවං වදෙමසේ, ජිනං වන්දථ ගොතමං ජිනං වන්දාම ගොතමං, විජ්ජාචරණසම්පන්නං බුඬං වන්දාම ගොතමන්ති.
අයං ඛො සා මාරිස ආටානාටියා රක්ඛා, භික්ඛුනං භික්ඛුණිනං උපාසකානං උපාසිකානං. ගුත්තියා රක්ඛාය අවිහිංසාය ඵාසුවිහාරායාති. යස්ස කස්සචි මාරිස භික්ඛුස්ස වා භික්ඛුණියා වා උපාසකස්ස වා උපාසිකාය වා, අයං ආටානාටියා රක්ඛා, සුග්ගහිතා භවිස්සති සමත්තා පරියාපුතා, තඤ්චෙ අමනුස්සො යක්ඛො වා යක්ඛිණී වා, යක්ඛපොතකො වා යක්ඛපොතිකා වා, යක්ඛමහාමත්තො වා, යක්ඛපාරිසජ්ජො වා යක්ඛපචාරො වා, ගන්ධබ්බො වා ගන්ධබ්බී වා, ගන්ධබ්බපොතකො වා ගන්ධබ්බපොතිකා වා, ගන්ධබ්බමහාමත්තො වා ගන්ධබ්බපාරිසජ්ජො වා ගන්ධබ්බපචාරො වා, කුම්භණ්ඩො වා කුම්භණ්ඩී වා, කුම්භණ්ඩපොතකො වා කුම්භණ්ඩපොතිකා වා, කුම්භණ්ඩමහාමත්තො වා කුම්භණ්ඩපාරිසජ්ජොවා, කුම්භණ්ඩපචාරො වා,
නාගො වා නාගිනී වා, නාගපොතකො වා, නාගපොතිකා වා, නාගමහාමත්තො වා, නාගපාරිසජ්ජො වා නාගපචාරො වා,
පදුට්ඨචිත්තො ගච්ඡන්තං වා අනුගච්ඡෙය්‍ය, ඨිතං වා උපතිට්ඨෙය්‍ය, නිසින්නං වා උපනිසීදෙය්‍ය, නිපන්නං වා උපනිපජ්ජෙය්‍ය, න මෙ සො මාරිස අමනුස්සො ලභෙය්‍ය ගාමෙසු වා නිගමෙසු වා සක්කාරං වා ගරුකාරං වා. න මෙ සො මාරිස අමනුස්සො ලභෙය්‍ය ආලකමන්දාය රාජ්ධානියා වත්ථුං වා වාසං cආ. න මෙ සො මාරිස අමනුස්සො ලභෙය්‍ය යක්ඛානං සම්ටිතිං ගන්තුං, අපිස්සුනං මාරිස අමනුස්සා අනවය්හම්පි නං කරෙය්‍යුං අවිවයහං.
අපිස්සුනං මාරිස අමනුස්සා, අත්තාහිපි පරිපුණ්ණාහි පරිභාසාහි පරිභාසෙය්‍යුං, අපිස්සුනං මාරිස අමනුස්සා, රිත්තම්පි පත්තං සීසෙ නික්කුජ්ජෙය්‍යුං. අපිස්සුනං මාරිස අමනුස්සා සත්තධාපිස්ස මුඬං ඵාලෙය්‍යුං. සන්ති හි මාරිස අමනුස්ස චණ්ඩා රුද්දා රභසා, තෙ නෙව මහාරාජන්ං ආදියන්ති, න මහාරාජානං පුරිසකානං ආදියන්ති, න මහාරාජානං පුරිසකානං පුරිසකානං ආදියන්ති, තෙ ඛො තෙ මාරිස අමනුස්සා මහාරාජානං අවරුඬා නාම වුච්චන්ති.
සෙය්‍යථාපි මාරිස රඤ්ඤෙ මාගධස්ස විජිතෙ චොරා, තෙ නෙව රඤ්ඤෙ මාගධස්ස ආදියන්ති, න රඤ්ඤෙ මාගධස්ස පුරිසකානං පුරිසකානං ආදියන්ති, තෙ ඛො තෙ මාරිස මහාචොරා රඤ්ඤෙ මාගධස්ස අවරුඬා නාම වුච්චන්ති.
එවමෙව ඛො මාරිස සන්ති හි අමනුස්සා චණ්ඩා රුද්දා රභසා, තෙ නෙව මහාරාජානං ආදියන්ති. න මහාරාජානං පුරිසාකානං අදියන්ති, න මහාරාජානං පුරිසකානං පුරිසාකානං ආදියන්ති, තෙ ඛො තෙ මාරිස අමනුස්සා මහරාජානං අවරුඬා නාම වුච්චන්ති, යො හි කොචි මාරිස අමනුස්සො යක්ඛො වා යක්ඛිණි වා යක්ඛපොතකො වා යක්ඛපොතිකා වා, යක්ඛමහා මත්තො වා යක්ඛපාරිසජ්ජො වා යක්ඛපචාරො වා, ගන්ධබ්බො වා ගන්ධබ්බී වා, ගන්ධබ්බපොතකො වා ගන්ධබ්බපොතිකා වා, ගන්ධබ්බමහාමත්තො වා ගන්ධබ්බපාරිසජ්ජො වා ගන්ධබ්බපචාරො වා, කුම්භණ්ඩො වා කුම්භණ්ඩී වා, කුම්භණ්ඩපොතකො වා කුම්භණ්ඩපොතිකා වා, කුම්භණ්ඩමහාමත්තො වා කුම්භණ්ඩ පාරිසජ්ජො වා කුම්භණ්ඩපචාරො වා,
නාගො වා නගිනී වා, නගපොතකො වා නාගපොතිකා වා, නාගපාරිසජ්ජො වා නාගපචාරො වා, පදුට්ඨචිත්තො
භික්ඛුං වා භික්ඛුණිං වා, උපාසිකං වා උපාසිකං වා, ගච්ජන්ටිං වා අනුගච්ඡෙය්‍ය, ඨීතං වා උපතිට්ඨෙය්‍ය, නිසින්නං වා උපනිසීදෙය්‍ය, නිපන්නං වා උපනිපජ්ජෙය්‍ය, ඉමෙසං යක්ඛානං මහායක්ඛානං, සෙනාපතීනං මහාසෙනාපතීනං, උජඣාපෙතබ්බං වික්කනදිතබ්බං අයං යක්ඛො ගණ්හාති, අයං යක්ඛො ආවිසති, අයං යක්ඛො හෙඨෙති, අයං යක්ඛො විහෙඨෙති, අයං යක්ඛො න මුඤ්චතීති.
කතමෙසං යක්ඛානං මහායක්ඛානං සෙනාපතීනං මහාසෙනාපතිනං?
ඉන්දො සොමො වරුණො ච
භාරද්වාජො පජාපතී
චන්දනො කාමසෙට්ඨො ච
නික්කුඝණ්ඩු නිඝණ්ඩු ච
පණාදො ඔපමඤ්ඤො ච
දෙවසූතො ච මාතලී
චිත්තසෙනො ච ගන්ධබ්බො
නලො රාජා ජනෙසභො
සාතාගිරො හෙමවතො
පුණ්ණකො කරතියො ගුලො
සීවකො මුචලින්දො ච
වෙස්සාමිත්තො යුගන්ධරො
ගොපාලො සුප්පගෙධො ච
හිරින්ත්තී ච මන්දියො
පඤ්චාලචණ්ඩො ආලවකො
පජ්ජුන්නො සුමනො සුමුඛො දධිමුඛො
මණිමාණිචරො දීඝො
අථො සෙරිස්සකො සහ
ඉමෙසං යක්ඛානං මහායක්ඛානං, සෙනාපතීනං මහාසෙනාපතීනං, උජ්ඣාපෙතබ්බං වික්කන්දිතබ්බං විරවිතබ්බං අයං යක්ඛො ගණහාති, අයං යක්ඛො ආවිසති. අයං යක්ඛො හෙඨෙති, අයං යක්ඛො විහෙඨෙති, අයං යක්ඛො හිංසති අයං යක්ඛො විහිංසති අයං යක්ඛො න මුඤ්චතීති.
අයං ඛො සා මාරිස ආටානාටියා රක්ඛා, භික්ඛුනං භික්ඛුණීනං, උපාසකානං උපාසිකානං, ගුත්තියා රක්ඛාය අවිහිංසාය ඵාසුවිහාරායාති. හන්ද ච දානි මයං මාරිස ගච්ජාම, බහුකිච්චා මයං බහුකරණීයාති. යස්සදානි තුමේහ මහා රාජානො කාලං මඤ්ඤථාති.
අථ ඛො චත්තාරො මහාරාජා උට්ඨායාසනා භගවන්තං අභිවාදෙත්වා පදක්ඛිණං කත්වා තත්ථෙවන්තරධායිංසු. තෙපි ඛො යක්ඛා උට්ඨායාසනා, අප්පෙකච්චෙ භගවන්තං අභිවාදෙත්වා පදක්ඛිණං කත්වා තත්ථෙවන්තරධායිංසු.
අප්පෙකච්චෙ භගවතා සඬිං සම්මොදිංසු සම්මොදනීයං කථං සාරාණීයං වීතිසාරෙත්වා තත්ථෙවන්තරධායිංසු. අප්පෙකච්චෙයෙන භගවා, තෙනඤ්ජලිං පනාමෙත්වා තත්ථෙවන්තරධායිංසු. අප්පෙකච්චෙ නාමගොත්තං සාවෙත්වා, තත්ථෙවන්තරධායිංසු. අප්පෙකච්චෙ තුණ්හීභූතා තත්ථෙවන්තරධායිංසූති.
උග්ගණ්හාථ භික්ඛවෙ ආටානාටියං රක්ඛං පරියාපුණාථ භික්ඛවෙ ආටාටියං රක්ඛං, ධාරෙථ භික්ඛවෙ ආටානාටියං රක්ඛං, අත්ථසංහිතායං භික්ඛවෙ ආටානාටියා රක්ඛා භික්ඛූනං භික්ඛුණීනං උපාසකානං උපාසිකානං, ගුත්තියා රක්ඛාය අවිහින්ංසාය ඵාසුවිහාරායාති. ඉදමවොච භගවා, අත්තමනා තෙ භික්ඛූ භගවතො භාසිතං අභිනන්දුන්ති.